Gudbai … Wi Gaahn Lang Fu Now!

Gudbai … Wi Gaahn Lang Fu Now!


Di Bileez Kriol Projek tank evribadi oava di yaaz fu dehn sopat eena how fi reed ahn rait di Kriol langwij.  Wit disya week sobmishan, di Bileez Kriol Projek infaam aal ih reedaz dat ih di tek wahn lee lang brayk (We inform all our readers that we are going on a hiatus).

Bot noh wori!  Yes, di Bileez Kriol Projek di kloaz az wahn sepret “entity.” Da-mi aalwayz paat a di Nashanal Kriol Kongsl; in fak, da wan a di memba aaganizayshan dehn weh faam di Nashanal Kriol Kongsl. Ahn wans di Kongsl mi bikom legal “entity” eena 1995/1996, di Bileez Kriol Projek kantinyu sins den az di langwij aam a di Nashanal Kriol Kongsl.

Now wi jain op az wan pahn paypa, BOT di Kongsl wahn ron di saylz a di Kriol buk dehn eena wahn sepret akonk jos fu reedn buks (laik di dikshineri, ahn soh). Dis way, di langwij paat a di kolcha, di lichrasi paat, kantinyu!

Soh, kip di sen unu aidyaaz tu wi website: www.nationalkriolcouncil.org

Ahn unu kuh aalwayz eemayl [email protected] fu langwij kweschan! Silvaana Udz, hoo du lata werk wit Kriol az wahn priti priti langwij, wahn kantinyu ih risaach intu di difrant “World Englishes” tudeh. Plos, ih haat wahn kantinyu fu fain wayz fu spred di nyooz bowt wi priti priti Bileez Kriol langwij ahn kolcha! Shee da-mi di mayn raita fu dis kalyoom eena di REPORTER nyoozpaypa ahn pahn belmopancityonline.com pahn di Intanet. Wi gi nof nof nof nof nof tanks tu The REPORTER ahn tu belmopancityonline.com. Di aidyaa da fi fain wahn neks persn eena di Kongsl er soh weh komit fu yooz di karek karek Kriol spelin… soh luk owt! Weh wi Gat Fi Seh wahn deh bak!
Yu mos goh gyal,
Bot yu mos kohn bak!


Brought to you by the:



Kriol is the language spoken by many Belizeans, especially the Creole people of Belize. Although it is often perceived as a dialect of English, it is indeed it's own language with grammar and spelling rules. The National Kriol Council of Belize was created to promote the culture and language of the Kriol people of Belize, as well as harmony among all the ethnic groups of Belize. Please visit the website of the National Kriol Council of Belize for lots of good information about the Kriol language and the Creole people.


The Kriol Council has been kind enough to send us the weekly "Weh Wi Ga Fi Seh" column that is usually published in the Reporter.


Check back weekly for new articles.


Latest Posts